Tu anlu 2014, tu mesu di Yismãciun mini cu regizorlu ali Armãnami, Toma Enache, featsimu unã voltã pit horili armãneshts dit Balkanu ti prezentarea a protului filmu artistikescu pi limba armãneascã “Nu hiu faimos ama hiu armãnu”. Cu aistã furnjie bãgai pi cali ma multi videuri iu putets s-videts bilocurli iu bãnarã strãpãpãnjlji a noci sh-iu ninga bâneadzâ armânj-rremenj-vlahi-makidonj. Rãdzâtinjili a noasti s-tindu di la Amarea Adriatica (Vlora-Durres-Saranda, etc), tut Epiru cu muntsâ a Pindui pãnã di Amarea Egeeye, arãlu atsel marili Duna…tu tut Balkanu. Rremenjlji – Armãnjlji tsi lj-adunãm ncali tuts zburãsc idyea limbã armãneascâ…Tuti aisti va s-dzãcã cã noi him dit eta a etilor popul autocton tu Balkanu sh-câ aco easti patrida noastã.
Videts Bitola, Nijopoli, Moscopoli, Tirana, Andon Poci, Avlona, Selenice, Calea pit muntsa a Pindui di la Gjirokaster la Florina….
Cu furnjia a Mariljei Adunāri a Armānjlur tu padea di Moscopoli, tu anlu 2010, di StaMarie, mi alinai ti prota oarā, deadun cu unā parei di armānj fārshirots tu hoara ali dadi a meau Yanula al Preftu, Pleasa di-ndzeanā…Mutrits tsi aflāmu…